| 最近最憎一d 人只係識鬧政府又唔好好去檢討下自己既人....
|
| |
| 警察維持秩序都俾人鬧，俾人打又唔可以還手，俾人掟又得果條胡椒噴霧，出水炮又俾d人又出口術"fei"返轉頭，依家警察唔係人，佢地奉旨俾你打，俾你鬧架嘛，你地既人權大晒，警察連人生安全都無咩保障，如果咁樣係人追求既理想世界，只好講一句，澳門人，你地好野~~
我又放長雙眼睇hk d 遊行示威會搞成點...... |
| |
| 突然無啦啦又寫返xanga，最近全世界都好混亂，全球都有天災，周圍都係人禍，又想留返d comment~~
望住泰國成個月既形勢，真係想同好想同阿披實先生講一句： 「你seven左啦....」
成日諗一件過左好多年既往事，雖然其實唔係好關我事，但係每次諗到呢件事，又會諗起一句我係cuphy 學到最重要既一句 「真野唔好攞黎講」
無錯，呢句果然係我全個大學生涯，最有意義既一句..... 必須承認當你應同呢句既時候係一種無奈，但係事實終歸事實， 呢個世界本身就係咁無奈架啦 |
| |
| 阿哥又去左旅行，又一次得返我自己一個間房~~自己一個霸住間房既感覺都幾好~~呢排返工早過阿哥起身，因為驚會太嘈嘈醒佢，早起之後免得過都唔會開機，不過聽日就應該會玩一陣facebook 聽下歌先開工~~~
10月3號中秋正日，有得飲~~堂哥結婚，今日過大禮(好似)，唔計堂哥d 家姐，我呢一輩total 10 個堂/表兄弟姊妹得我一個出席....= =""，不過當大家都開左工，大家都有大家既忙，又唔算係正日，都係果d 黎到就黎既日子，反正2個禮拜後又見，其實大家覺得正日有到就算~~~
岩岩見到d親戚，佢地問我搵唔搵到野做，我話我搵到，佢地都好似好安慰咁，諗諗下，原來係我阿爸呢一邊我係最後一個搵到工既人，咁又係既，我係阿爸果邊我係13個同輩入面第二細既一個(堂弟無讀大學)，咁我係最後一個都算正常既....但係另一邊，我係阿媽果邊8個同輩入面我係排第二大喎.....亦都係第二個搵到正職既人(第一當然係我呀哥啦...)，但係我阿爸阿媽兩個分別都係6兄弟姊妹入面排第4，但係點解我一邊係第二大，一邊係第二細架呢?
大家族有大家族既好，當然都有佢既唔好既，今日咁多個人無到，都唔知點解坐到兩圍，佢地話如果等多三年到，我連我阿哥都結埋婚有小朋友的話，大家一齊出黎食飯三圍應該都唔夠，但係其實我諗諗下，其實就算係今日已經有9個無黎，只要佢地帶埋佢地d 老公/老婆/男/女朋友一齊食飯既話，三圍都已經唔夠坐啦，其實唔駛等三年啦= =.....
不過人咁多，開始發現約出黎已經好麻煩=-=~~成日都呢個唔得閒，果個約左fd，佢又要返工咁....好難先約得齊，就算約得齊，去邊到食都煩啦，食飯分4圍咁.....又難搵個地方坐低喎，都無咩有個咁大既屋企可以安置咁多人，上某某屋企食應該都咩可能搞到架啦....呀媽話打邊爐有機會喎，我心諗，如果係咁呀，搞到軍訓咁就有可能，「第一排：食﹗.....之後放野食，第一排走第二排上.....到第二排食.....」咁就差唔多....= ="~~所以好似呢幾年拜年都改左團拜，去酒店食自助餐，一次過見晒，一次過收利是，唔駛一個一個咁記，真係諗起利是都好開心~~~多左人結婚又多左d利是hahaahaha~~ |
| |
| 呢兩日都迷上左黃子華，好想將佢所講既野套用係自己既所見所聞，因為佢所講出既，唔單止係笑話，其實都係現代社會既行為特徵，唔可以話佢所講既野一定岩，但係必須要承認佢所以既係事實既一部份~~
近日有人俾人打，搞到香港d新聞工作者有好多聲出，不禁令到我諗到現代傳媒人既最高指令「你地有邊個唔想仆街，就同我搵個仆街出黎，同我掟瓜佢」。有陣時坐低慢慢諗，記者俾人打，邊個係最大既受益人呢？係唔係打記者有錢賺架呢？
諗下諗下，記者俾人打，都幾慘，都幾不幸，但係點解佢會咁不幸呀？「係啦定律」同「好呀法則」應該就係個解釋囉，但係其實再諗深一層，我發現佢地俾人打左一身之後，好似有人幫我出左一啖氣咁，我發現原來我想打「呢d咁既記者」好耐。
記者好鍾意話佢地為左大眾既知情權，站在「事實」最前線，但係我從來睇唔到，我只睇到佢地成日走在「事件」最前線係到阻頭阻勢ja喎.....阻差辦公呢d 都唔在講啦，最過份係阻住d救護員消防員救人果下先出位嘛，我耐唔耐就係d交通意外現場聽到「記者唔好係到阻住」，佢地好似仲要特登錄埋d消防員講呢d野咁，好似特登話俾人聽佢地有幾搏命做採訪咁.......我心諗如果我係現場，我真係可能忍唔住就搵d 撞車零件就打爆個記者個頭，佢告我傷人，我反告佢謀殺都似，蓄意阻礙消防員救人，危害他人生命安全，傷者成為植物人九成同d記者有關啦~~
記者既工作係乜？我從來覺得只要將事件拍低，播出黎，咁已經足夠，某程度上應該同d 球證應該差唔多，around 當佢死人咁啦，或者佢要當自己係死左咁啦，at least 係絕對唔應該影響事件既發展啦，有無人見過有個球證會自己走埋個波到or 自己加一腳落去，之後仲會有人讚佢做得好？所以基本上唔會有一個球證會行到最接近個波既位置去執法，一來行得太前未必能夠睇通全局，二來太容易有接觸，影響球賽結果~~差唔多既講法都可以套用係記者上，基本上一個記者自己本身成為返事件入面既人物，呢個記者已經係失敗到無可能再失敗，但係佢仲可以好似英雄咁，就好似球證呢個死物撞左個波入網之後仲可以一齊去慶祝，香港呢個地方幾神奇~~
有人話，佢地唔似得其他地方記者，係冷氣房等新聞，佢地要攞命搏，我同意係冷氣房等新聞唔係一個好記者既所為，但係走到最前線，隨時令到自己都成為新聞既一部份，我覺得佢地有咁樣做野方法都無咩資格去話人啦。太遠又話唔得，太近又話唔得，能夠做得好係唔係真係咁難？其實真係好難，但係要記住一點好重要，記者係有收人工架，唔駛做架，份份工都辛苦架啦，唔通我份工就唔辛苦，要有d 損失先可以有呢d「賠償」架嘛，無損失就要「賠償」，發夢啦你~~~除非你去做「咖哩啡」啦~~
記者俾人打呢件事，基本上我都係覺全屬不幸，只好送佢8個字，「係咁架啦，好出奇呀」
打住咁多，遲d 再改~~ |
| |
